بالسابر وبالمقلوب

بالسابر وبالمقلوب

علمتني الظروف اصبر وعلمني الزمان اسلوب&
اتأقلم مع وضعي وافتح للحياه دروب&
اتكيف مع المعيوف واستمتع مع المرغوب&
واصبر من جفا اصحابي واتحمل من المحبوب&
اقبل ما قسم ربي وارضى بالذي مكتوب&
اقنع بالذي حاصل والقى للعصي عذروب&
ان شي حظ حالفني فباافرح بالذي مطلوب&
وان الحظ عاكسني فكم قد مثل ذا مجروب&
ماتفرق معي الصدمه فكم قد غيرها محسوب&
انا من كثر صدماتي تعودت الأسى ماتوب&
زادت في مناعاتي مااصبح منها متعوب&
جربت المذاق المر وجربت العسل مسكوب&
ونحوالحال أعربته بالكسره وبالمنصوب&
دنيا عشتها ضدين بالسابر وبالمقلوب&
ولا اتأثرت في نفسي ولاشي صابني مكروب&
شان الناس يتنوع حد غالب وحد مغلوب&
حد أمره قد اتيسّر وحد أمره غدا محنوب&
وانااتعايشت في الاثنين لا مملو ولا منضوب&
واتمشيت في البلدان عرفت الأنس والملعوب&
ذقت الشهد والحلوى ولسعات النحل. والنوب&
شاهدت الذي فاتش وتجاوزت للمحجوب&
خذيت من الرضى الممكن ولا حب الذي مغصوب&
طعمت من الهناء متعه في الفنجان هو والكوب&
شي ببدي من الدله وشي جاني وهو مدروب&
اتغنى مع الهاجس بالدانه وبالمسحوب&
اترنم مع ابياتي ويشدو شعري الموهوب&